Clerc y Gorfforaeth

Amdanom ni:

Coleg Gwyr Abertawe yw un o golegau mwyaf Cymru ac mae gennym enw da iawn am addysgu a dysgu o ansawdd uchel. Mae gennym chwe champws ledled y ddinas a dros 4,500 o ddysgwyr amser llawn a 10,000 o ddysgwyr rhan-amser. Ar hyn o bryd, mae gennym drosiant o £50 miliwn, sy’n golygu ein bod yn gyflogwr sylweddol yn y rhanbarth. Rydym yn cyflogi tua 1,000 o staff.

Yng Ngholeg Gwyr Abertawe, rydym yn angerddol am fuddsoddi yn ein staff a gofalu am eu lles, er mwyn sicrhau eu bod yn derbyn cefnogaeth yn y gwaith a gartref.

Y rôl:

Bydd deiliad y swydd yn gyfrifol am wasanaethu Bwrdd Llywodraethwyr y Coleg a’i Bwyllgorau Sefydlog, gan sicrhau bod Busnes y Gorfforaeth yn cael ei gyflawni mewn modd effeithlon a di-dor. Byddwch yn cynnig cyngor annibynnol i Gadeirydd y Llywodraethwyr ar faterion sy’n ymwneud â llywodraethu, er mwyn sicrhau bod y Gorfforaeth yn gweithredu o fewn y pwerau a nodir yn y fframwaith llywodraethu statudol.

• Rhan-amser - 25 awr yr wythnos
• Parhaol
• £52,105 y flwyddyn - pro rata i £35,205
• Mae £8,449 yn daladwy ar gyfer dyletswyddau’r Swyddog Diogelu Data (6 awr ychwanegol yr wythnos)

Cyfrifoldebau Allweddol:

• Sicrhau bod y busnes y Gorfforaeth yn cael ei gyflawni mewn modd effeithlon a didor; sicrhau bod y gorfforaeth yn gweithredu o fewn y pwerau a nodir yn y fframwaith llywodraethu statudol; gwneud yn siwr bod y Gorfforaeth yn cydymffurfio â gweithdrefnau cytûn yn unol â chyfrifoldebau a safonau cyfreithiol, statudol a chyhoeddus.
• Darparu cyngor ac arweiniad da, cadarn a diduedd i’r Gorfforaeth a’i Bwyllgorau ar faterion llywodraethu corfforaethol, gan gynnwys:
  
  • Canllawiau ar faterion statudol, cyfansoddiadol a gweithdrefnol;
  • Cyngor proffesiynol annibynnol, gan gynnwys cyngor cyfreithiol gan asiantaethau allanol ar faterion llywodraethu;
  • Ffacotrau allanol neu fewnol a allai effeithio ar arferion llywodraethu, megis newidiadau i ddeddfwriaethau a datblygiadau llywodraethu.
• Sicrhau bod busnes y Gorfforaeth ac unigolion yn cydymffurfio â’r safonau uchaf a ddisgwylir gan ddeiliaid swyddi cyhoeddus, gan gynnal a diweddaru cofrestr buddiannau aelodau ac uwch reolwyr; sicrhau ei fod ar gael i’w adolygu gan bobl sy’n dymuno gwneud hynny.

Amdanoch chi:

• Bydd gennych radd neu gymhwyster proffesiynol, yn ogystal â:
• Phrofiad o Lywodraethu Corfforaethol neu Reoli AB Uwch
• Dealltwriaeth drylwyr o lywodraethu Corfforaethol o fewn y sector AB.
• Dealltwriaeth o’r fframwaith cyfreithiol y mae cyrff llywodraethu colegau yn eu defnyddio
• Gwybodaeth a phrofiad o reoli Pwyllgorau.

Buddion:

• 37 diwrnod o wyliau blynyddol ynghyd, a gwyliau banc, hefyd, mae’r Coleg ar gau am bythefnos dros gyfnod y Nadolig
• Parcio am ddim
• Mynediad i hyfforddwr ffitrwydd staff/maethegydd/dosbarthiadau ymarfer corff
• Cliciwch y linc i ddarganfod rhagor o fuddion: https://www.gcs.ac.uk/cy/recruitment/benefits-and-wellbeing

Rydym yn croesawu ceisiadau gan unigolion, waeth beth fo’u hoedran, rhyw, ethnigrwydd, anabledd, cyfeiriadedd rhywiol, hunaniaeth rhywedd, cefndir economaidd-gymdeithasol, crefydd a/neu gred. Rydym yn croesawu’n arbennig ceisiadau gan grwpiau nad ydynt wedi’u cynrychioli’n ddigonol o fewn ein sefydliad.

Os hoffech ymgymryd â’r broses ymgeisio trwy gyfrwng y Gymraeg, ewch i’n gwefan Cymraeg. Rydym yn annog unigolion i gyflwyno ceisiadau Cymraeg gan ein bod yn cydnabod pwysigrwydd darparu gwasanaethau Cymraeg a’r angen i ehangu gweithlu dwyieithog.

Mae Coleg Gwyr Abertawe yn ymrwymedig i ddiogelu a hyrwyddo lles pobl ifanc ac rydym yn disgwyl i bob aelod o staff gydymffurfio â’r ymrwymiad hwn. Bydd gofyn i’r ymgeisydd llwyddiannus ymgymryd â gwiriad DBS manylach a chofrestru gyda Chyngor Gweithlu Addysg Cymru.